【BF專欄】雙11原是浪費?反思購物節的意義

【BF專欄】雙11原是浪費?反思購物節的意義

Bloggers
By Planto on 09 Nov 2018

光棍節又來了。光棍,孑然一身者也,無牽無掛,不如愛自己,盡情擁抱物慾。這種態度與邏輯,難言正確與否,只知道客觀事實係,經過商家舖天蓋地宣傳,「1111」成為全球最大網絡購物節,銷售額年年創新高。

瘋狂購物源於孤單,但痛快過後,光棍們得到充實定空虛?「購物狂歡節」意義何在?

特價難分真與假

two male and female mannequin wearing clothes網上有個都市傳說,指雙11唔少貨品都係先加價、後減價,以符合天貓要求雙11主會場須為指定期內最低價嘅條件。內地網民「路人甲」為此進行大數據研究,以15,000件貨品於2016年嘅價格為樣本,結論係超過80%商品喺雙11都並非以全年最低價發售。

今年甚至有網民推出所謂「黑名單」,以產品過去嘅歷史價格,指出在店舖於雙11推「假特價」。儘管部份產用過去特價作比較基準,做法未必公允,但亦反映雙11某程度未必係「最抵買」嘅等號。此外,當人人蜂擁搶購時,送貨速度無可避免會被拖慢,每年都有唔少網民投訴於雙11購物後,遲遲未收到貨。如果價錢、服務皆未能盡如人意,咁你還剩下甚麼非要加入血拼不可嘅理由? 阿里巴巴集團去年

數以億計包裝廢料損害生態

throw up trash can GIF by Feliks Tomasz Konczakowski

阿里巴巴集團去年嘅「賽後報告」顯示,天貓雙11成交額達1,682億人民幣,物流訂單總量8.12億。傳媒引述內地網民指,網購一件貨品,可製造20件包裝垃圾。如此推算,雙11遺下嘅垃圾係以過百億件計。

國家郵政局指,2016年中國消耗超過313億個快遞包裹,足夠鋪滿40萬個足球場。中國計量學院《中國快遞標準化》研究估計,每年因速遞包裝過度浪費的約18.2萬噸紙板,等同每年均斬咗1,547公頃森林。

「喪買」行為越亢奮,製造垃圾越多。今年雙11,當商家們再狂賀「XX秒銷售額衝破XX億」嘅輝煌戰績時,不妨反思,由包裝廢料製造嘅生態災難亦一浪比一浪洶湧。

真係有需要買咁多?

綠色和平去年發表調查報告,喺1,015位受訪者中,40%人認為喺雙11比平時更易衝動購買及造成浪費,68%人指衣物係佢哋最常於網上購買嘅產品,每年買約18件,每4件當中,就有1件係着少過兩次就被丟棄,40%人每年衣服平均着少過5次。咁多衫着唔晒,點解要買咁多?說穿了只因衝動。與其跟隨潮流加入搶購,不如認真價格,並考慮個人需要,決定是否加入血拼。

網購與個人理財

silver MacBook near papers and plant對個人理財而言,網購其實是雙面刃。一方面,網店產品種類比實體店更多,價錢更抵,你甚至可安坐家中,買到世界各地嘅產品,兼享受信用卡儲積分或折扣優惠。

但另一邊廂,如果唔好好節制消費,越方便,就意味着越容易洗凸,甚至成為月光族。要防止對「網購癮」泥足深陷,我哋應有目標地計劃好個人預算,並認真地執行。倘若發現網購與自己嘅儲錢習慣有衝突,請問問自己3個重要問題

買咗之後,會唔會影響我儲錢目標?」 「我可唔可以等多兩日先買?」 「呢個袋等同我3日人工,係咪真係物有所值?

你亦可以利用坊間嘅理財應用程式,制訂個人預算、儲蓄計劃及分析開支。好好管理個人財政,勿因一時衝動,買入過多不必要嘅物品,浪費金錢之餘,亦對環境造成破壞。

[email protected]Planto

原文刊登於Planto網站

馬上用Planto體驗極簡理財!

推薦閱讀:
聽媽媽的話未必啱?4個可能過時嘅金錢觀念

5招極簡理財之道 用斷捨離實現「財務自由」

習慣主宰人40%行為!4招助你培養儲錢習慣

關於Planto

Planto係一個創新嘅智能個人理財及記賬應用程式,設iOS及Android版本。本公司於香港大學創新及創業中心組成,係一間正急速發展嘅初創企業,我哋得到數碼港及一批來自香港、英國及加拿大嘅投資者及資深顧問支持,助香港用戶好好理財,向買樓、進修等人生目標進發。請到www.planto.hk了解更多。

請即Like Planto facebook專頁追蹤Instagram,或到頁底留底電郵訂閱電子通訊,接收我哋最新消息及第一手理財資訊!

(本文經由博客Planto授權轉載,並同意BusinessFocus編輯文章與修訂標題。文章內容為博客個人意見,不代表本公司立場。)

Text & photos: Planto


BusinessFocus現長期徵稿。歡迎各投資界、商界人士、來稿交流對各種經濟、投資、物業、商業議題的獨特看法。如蒙投稿,請寄 [email protected],另請附上不多於100字個人簡介及近照一張。 文章一經採用將由BusinessFocus編輯部潤飾,更會開設個人專欄。
Planto係一個嶄新嘅人工智能理財app,提供自動整合銀行戶口、管理及分析開支、策劃儲蓄目標等功能,令理財及追夢變得前所未有咁簡單。我哋目標係幫助80、90後年輕人建立有系統嘅儲蓄習慣,實現置業、結婚、進修、旅遊等目標。網站:https://Planto.hk fb專頁https://www.facebook.com/Planto.HK

Follow Instagram: businessfocus.presslogic

Share to Facebook